Eru Føroyar eitt land?

Tað eru nøkur tekin, ið benda á, at Føroyar eru eitt land, men tað eru eisini tekin um tað øvugta.

Ein partur av Danmark

• Føroyar, Grønland og Danmark eru partar av einum kongaríki, við somu drotning. Spyrja vit danir, um Føroyar eru eitt ríki, svara teir at tað eitur "Kongeriget Danmark for så vidt angår Færøerne".
• Vit kunnu ikki fáa limaskap í ES, tí vit ikki eru eitt fullveldi.
• Føroyar hava einki sæti í ST, Danmark umboðar Føroyar.
• Tað danska Finanstilsynet hevur eftirlit við føroyskum peningastovnum.
• Føroyar fáa hvørt ár meiri enn eina hálva milliard krónur í blokkstuðuli frá Danmark. Í 2007 svarar hetta til 14% av landsins inntøkum.
• Í Føroyum verður nýtt danskt gjaldoyra, tó eru pengaseðlar føroyskir.

Eitt land

• Á Internetinum hava Føroyar sína landakodu, sum er FO og eina málkodu, sum er FO.
• Tá onkur úr umheiminum vil senda post til Føroyar, skal tað skrivast Føroyar sum land á pakkan.
• Føroyar hava eitt fótboltslandslið.
• Føroyar hava eitt flagg.
• Føroyar hava eitt løgting, har lógir verða samtyktar.
• Á flogferðum til Danmarkar og aftur ber tað til at keypa vørur tollfrítt, tí soleiðis er tað millum lond.